Beðahreinsun

Við þjónustum einkagarða, húsfélög og fyrirtæki

Beðahreinsun

Við bjóðum beðahreinsun í görðum, hvort heldur sem um er að ræða létta laufhreinsun á haustin og snemma á vorin eða ítarlega beðahreinsun í garðinum fyrir og um sumarið. Starfsfólk okkar hefur margra ára reynslu við beðahreinsun og við leggjum mikla áherslu á vönduð og hröð vinnubrögð, sem skila sér í vel hreinsuðum og fallegum garði.

Hvernig við vinnum í beðahreinsun

Við beðahreinsun er um 3-5 manna teymi að ræða sem er með öll verkfæri sem til þarf við að hreinsa garðinn, auk véla sem eru nauðsynlegar í vissum tilfellum. Má þar nefna vélkantskera, orf og mjög öflugan blásara sem flýtir mikið fyrir allri hreinsun og frágangi í lok verks. Við notum stóra og rúmgóða sturtukerru sem auðveldar fjarlægingu og losun á jarðúrgangi sem fellur til eftir beðahreinsun. Með því spörum við ferðir á losunarstaði og um leið mikinn tíma sem skilar sér beint í minni kostnaði fyrir viðskiptavini okkar.

Mold og sandur

Við tökum að okkur að bæta jarðvegi í beð þegar þess þarf. Yfirleitt er um að ræða mold eða sand í beð, en við getum einnig útvegað kurl, möl og önnur yfirlagsefni sé þess óskað. Almennt borgar sig ekki að setja yfirlagsefni í beð nema að lokinni beðahreinsun, svo efnið skili tilætluðum árangri.

Fylgstu með okkur vinna