Skip to content
Að fella tré er vandasöm vinna þar sem þau eru oft bæði stór og þung. Tré geta valdið miklum skaða, lendi þau á óæskilegum stað og þessvegna er mikilvægt að fá fagmenn í verkið, sérstaklega þegar um stærri og erfiðari trjáfellingar er að ræða.
Við trjáfellingar metum við aðstæður hverju sinni og veljum þá aðferð sem hentar best; að fella tréð beint niður, klifra eða notast við aðstoð kranabíls.
Alltaf er um lágmark tveggja manna teymi að ræða sem bæði fellir tréð og fjarlægir það úr garðinum.
Í þéttbýli er mjög algengt er að klifra þurfi tréð, þar sem greinarnar eru hreinsaðar af á leiðinni upp og bolurinn bútaður á leiðinni niður. Þá er mikilvægt að gæta að því að vera með réttan búnað, þekkingu og þjálfun.
Hjá okkur starfa sérþjálfaðir arboristar með ABA A1-A2-A3 réttindi og margra ára reynslu af trjáklifri og snyrtingu trjáa. Trjáklifur er mjög vandasamt og því mikilvægt að þeir sem vinna þá vinnu séu vel þjálfaðir, rétt útbúnir og með mikla reynslu.
Í þéttbýli er mjög oft ekki hægt að fella tré beint niður. Þá eru trén gjarnan innarlega í lóðum eða þannig staðsett að kranabílar komast ekki að þeim. Við þær aðstæður þarf að klifra tréin til að taka þau niður. Þá tekur stundum við sú áskorun að koma trjánum niður án þess að valda tjóni á munum sem eru á jörðinni t.d. gróðurhúsum, kofum eða girðingum. Í þeim tillfellum þarf að rigga tréin sem þýðir að binda greinarnar og láta þær síga til jarðar frekar en að láta þær falla. Það er, eins og gefur að skilja, tímafrekari lausn en óhjákvæmileg við erfiðustu aðstæður.
Við kappkostum við það að nýta öll tré sem við fellum. Allar greinar og bolir eru kurluð sem getur nýst sem stoðefni fyrir moltugerð. Kurlaðar greni greinar eru t.d. frábærar sem undirlag undir grenitré.
Trjábolir eru annað hvort nýttir sem kurlefni í stíga eða beð eða þeim er flett í planka sem nýtist í útibekki eða náttúrugirðingar.
Við trjáfellingar notum við töluvert af sérhæfðum búnaði. t.d. Skógarspil á fjarstýrðum vélum sem draga allt að 3.500 kg, Skógar-mönsara sem getur kurlað niður runna og tré, útkeyrsluvagna á fjórhjólum sem komast að við erfiðustu aðstæður og víraspil sem aðstoða við að tryggja falláttir og losa föst tré sem hafa fallið í stormi.
Hjá okkur eru starfsmenn með ABA International réttindi fyrir trjáfellingar og klifur í trjám auk þess sem að hafa þjálfunar og próftökuréttindi frá ABA fyrir ICC1 – ICC2 – ICC3 – A1 – A2 – A3.
ABA International eru alþjóðleg samtök sem sérhæfa sig í t.d. þjáffun og próftöku fyrir trjáfellingarréttindi.
Munurinn á ICC og ECC réttindum er að ECC er evrópsk réttindi en ICC eru alþjóðleg. ICC eru ofar en ECC sem er ástæðan fyrir því að okkar starfsmenn hafa bæði ICC og ECC
ICC1 eru réttindi á keðjustögina sjálfa og viðhald á henni auk þess að hafa færni til að nota sögina rétt til að takmarka áhættuna á slysum.
ICC2 eru réttindi til þess að fella meðal stór tré upp að 38cm í þvermál. Færni til að losa tré sem hefur fest sig áður en það hefur fallið til jarðar.
ICC3 eru réttindi til þess að fella stór tré með þvermál yfir 56cm. Færni til að losa og tryggja tré með víraspilum og talíum.
ICC4 eru réttindi fyrir tré sem hafa brotnað eða fallið niður í vondu veðri. Þetta er oft talað um sem stormfellingar og eru með hættulegri trjáfellingum sem við sinnum.
Arboristi er orð yfir þá sem hafa hlotið menntun og réttindi til þess að klyfra í trjám.
A1 eru þjáfun í að kliftra á línum og broddum í trjám. Notun á handsög í tré og björgun á slösuðum einstækling uppí tré í línum eða broddum.
A2 eru réttindi til þess að vinna með keðjusög uppi í tré.
A3 eru réttindi til þess að rigga tré. Að rigga tré er þegar greinar eða bolir eru látnir síga til jarðar í böndum frekar en að falla til jarðar.
