Skip to content
Við bjóðum upp á þá þjónustu að koma og kurla trén fyrir ykkur eða með ykkur. Auk þess er líka hægt að leigja kurlara hjá okkur ef fólk treystir sér til að sinna verkinu sjálft.
Við erum með 2 stærðir af kurlurum. 6″ kurlara á hjólum sem tekur 15cm breitt efni og svo 8″ kurlara á beltum sem tekur 20cm breitt efni. Kurlararnir eru með hraðastýringu sem gerir okkur kleift að ráða stærðinni á kurlinu eftir því í hvað á að nota það.
Kurlun er mun hagkvæmari leið en að farga trjánum ókurluðum. Bæði losnar maður þannig við förgunargjald, sem iðulega er rukkað á losunarstöðum og ekki þarf að fara jafn margar ferðir með efni til förgunar.
Almennt gerum við ráð fyrir vinnu við kurlun í öllum stærri trjáfellingum sem við tökum að okkur, þar sem við náum þannig að halda förgunarkostnaði niðri fyrir viðskiptavin og fækkum tímum sem fer í að keyra á losunarstað.
Það er hægt að leigja kurlara með starfsmanni og án. Leiguverðið tekur þá mið af því. Kurlararnir sjálfir eru einfaldir og þægilegir í notkun.
Það eru margir góðir kostir við það að kurla tré eftir trjáfellingu.
Hagkvæmni er stór þáttur, þar sem með kurlun er hægt að fækka ferðum á losunarstaði og lækka förgunarkostnað á losunarstað. Gera má ráð fyrir að með því að kurla megi fækka ferðum allt að fjórfalt á við það ef farið er með ókurluð tré í förgun. Þar sem rukkað er fyrir hvern farm sem komið er lækkar losunargjaldið því verulega líka.
Með auknum kröfum nútímans um minnkað kolefnisspor og nýtingu, þá kemur kurlun sterk inn þar sem akstur milli staða verður mun minni og hægt er að nýta kurlið í beð, göngustíga o.fl.
Vinnuferlið sjálft er líka langtum þægilegra en að hrúga stórum trjágreinum og bolum ofan í kerru, með allri áreynslunni sem því fylgir. Nú nægir að mata kurlarann, sem er í þægilegri vinnuhæð, og hann sér um afganginn.
Við erum með atvinnu kurlara á leigu fyrir almenning og atvinnumenn.
Först kurlarar eru með þekktustu leigu kurlurum Evrópu. Þeir eru kröftugir, sterkir og einfaldir í notkun.
