Hreinir Garðar er fjölskyldufyrirtæki sem sérhæfir sig í viðhaldi og snyrtingu garða á stór-höfuðborgarsvæðinu. Stofnendur fyrirtækisins eru bræðurnir Þorsteinn Kr. Haraldsson og Þorgrímur Haraldsson, sem eiga fyrirtækið enn ásamt Davíð Long og Haraldi Þorsteinssyni. Við tökum að okkur bæði stór og smá verkefni fyrir einstaklinga, húsfélög, fyrirtæki og bæjarfélög. Þjónustan sem við bjóðum upp á er t.d garðsláttur í áskrift, beðahreinsun, trjáklippingar, trjáfellingar, stubbatæting og önnur garðyrkja sem snýr að viðhaldi. Við seljum einnig og setjum upp jólaseríur fyrir einstaklinga, húsfélög og fyrirtæki.
Hreinir Garðar var stofanað í september 2009 og voru starfsmennirnir aðeins tveir. Síðan þá hefur fyrirtækið vaxið jafnt og þétt, bætt við sig vélum, bílum og starfsfólki auk þess að stækka húsnæðið úr litlum 16 fm bílskúr í 350 fm húsnæði með öflugu verkstæði. Yfir veturinn starfa u.þ.b. 13 starfsmenn hjá fyrirtækinu en á sumrin fjölgar starfsfólki umtalsvert. Meðal starfsmanna eru tveir skrúðgarðyrkjumeistarar, skrúðgarðyrkjufræðingur og arboristi auk þess sem aðrir starfsmenn hafa margra ára reynslu af garðyrkjustörfum.
Hreinir Garðar og Úði ehf sameinast
Frá upphafi hefur fyrirtækið verið í samstarfi við Úða ehf. um úðun á görðum sem voru að öðru leyti í þjónustu Hreinna Garða. Um áramót 2011 sameinuðust svo Hreinir Garðar og Úði ehf. Við þá sameiningu var hægt að fjölga þjónustuliðum og bæta þjónustu beggja fyrirtækja til muna.
Brandur Gíslason skrúðgarðyrkjumeistari stofnaði Úða ehf þann 15 júlí 1973. Frá upphafi hefur fyrirtækið verið leiðandi í garðaúðun á stór-höfuðborgarsvæðinu og hefur skapað sér nafn sem traust og heiðarlegt fyrirtæki. Úði hefur alltaf lagt mikla áherslu á faglega þjónustu og að farið sé í einu og öllu eftir þeim reglum sem gilda um notkun eiturefna. Auk garðaúðunar hafði fyrirtækið einnig tekið að sér almenna garðyrkju, s.s. trjáklippingar, trjáfellingar, beðahreinsun ofl.
Brandur sá um garðaúðun hjá Hreinum Görðum til ársins 2015, þegar hann hætti sökum aldurs.
Barð ehf slæst í hópinn
Árið 2012 sameinuðust Hreinir Garðar og Úði svo við Barð ehf.
Haraldur Þorsteinsson sendibílsstjóri stofnaði og rak Barð ehf frá upphafi þar til fyrirtækið sameinaðist Hreinum Görðum. Hann er faðir eigenda Hreinna Garða og hluthafi í fyrirtækinu.
Haraldur hóf sendibílaakstur 1. apríl 1987 og í maí sama ár var hann farinn að keyra út og setja saman skrifstofuhúsgögn fyrir Pennann. Meðfram því ók hann og setti upp fyrir Axis í fáein ár. Einnig keyrði hann fyrir Gagnaeyðingu í 10 ár ásamt því að aðstoða við útkeyrslu Morgunblaðsins í rúm 14 ár. Vinnan hjá Pennanum óx hinsvegar stöðugt þar til allt annað varð á endanum að víkja. Einkareksturinn var svo settur inn í Barð ehf við stofnun þess sem síðar var svo sameinað við Hreina Garða. Hreinir Garðar tóku því við þjónustusamningi við Pennann um útkeyrslu, dreifingu og uppsetningu skrifstofuhúsgagna til ársloka 2015.
